‘ఓజీ’ పోలికలపై వరుణ్ తేజ్ క్లారిటీ

‘కొరియన్ కనకరాజు’ ట్రైలర్ విడుదల కార్యక్రమంలో ‘ఓజీ’ సినిమాతో పోలికలపై వచ్చిన ప్రశ్నకు వరుణ్ తేజ్ స్పష్టత ఇచ్చారు. ట్రైలర్‌లో కనిపించిన కొన్ని విజువల్స్ కావాలనే ‘ఓజీ’ తరహాలో రూపొందించలేదని ఆయన తెలిపారు. తాను బ్లాక్ సూట్‌లో కనిపించడం వల్లే ప్రేక్షకులకు అలాంటి భావన వచ్చి ఉండొచ్చని, అలాగే పవన్ కళ్యాణ్ తన బాబాయ్ కావడం కూడా ఆ పోలికలకు కారణమై ఉండవచ్చని అన్నారు.

‘కొరియన్ కనకరాజు’ పూర్తిగా కామెడీ ఎంటర్‌టైనర్ కాగా, ‘ఓజీ’ ఒక భిన్నమైన కల్ట్ యాక్షన్ చిత్రం అని వరుణ్ తేజ్ పేర్కొన్నారు. మేర్లపాక గాంధీ దర్శకత్వంలో రూపొందిన ఈ చిత్రంలో రితికా నాయక్ హీరోయిన్‌గా నటించగా, సత్య కీలక పాత్రలో కనిపించనున్నారు. యువి క్రియేషన్స్ నిర్మించిన ఈ సినిమాకు ఎస్.ఎస్. తమన్ సంగీతం అందించారు. ఆగస్టు 7న ప్రపంచవ్యాప్తంగా విడుదల కానున్న ఈ చిత్ర ట్రైలర్‌కు ఇప్పటికే ప్రేక్షకుల నుంచి మంచి స్పందన లభిస్తోంది.