త్రిష వివాదం.. ఉదయనిధిపై సెలబ్రిటీల తీవ్ర ఆగ్రహం

నటి త్రిషపై డీఎంకే నేత, మాజీ ఉప ముఖ్యమంత్రి ఉదయనిధి స్టాలిన్ చేసిన వ్యాఖ్యల వివాదం రోజురోజుకూ మరింత తీవ్రరూపం దాల్చుతోంది. తంజావూరు పోలీసులు ఆయనను అరెస్టు చేసిన అనంతరం తమిళనాడు వ్యాప్తంగా డీఎంకే కార్యకర్తలు నిరసనలు చేపట్టారు. తంజావూరులో డీఎంకే, టీవీకే కార్యకర్తల మధ్య ఉద్రిక్తత నెలకొనగా, పరస్పరం రాళ్లు రువ్వుకోవడంతో పోలీసులు జోక్యం చేసుకుని ఇరువర్గాలను చెదరగొట్టారు.

ఈ వ్యవహారంపై సినీ ప్రముఖులు కూడా తీవ్రంగా స్పందిస్తున్నారు. నటి ఖుష్బూ ఉదయనిధి వ్యాఖ్యలను అసభ్యకరంగా, మహిళలను అవమానించేలా ఉన్నాయని విమర్శిస్తూ త్రిషకు బేషరతుగా క్షమాపణ చెప్పాలని డిమాండ్ చేశారు. గాయని చిన్మయి శ్రీపాద కూడా మహిళలను రాజకీయ వివాదాల్లోకి లాగడం సరికాదని, అసలు ప్రజా సమస్యలపై దృష్టి పెట్టాలని సూచించారు. ఈ వివాదం తమిళ రాజకీయాలతో పాటు సినీ వర్గాల్లోనూ హాట్ టాపిక్‌గా మారింది.