ఈ వారం ఓటీటీలో వినోదాల జాతర.. కొత్త సినిమాలు, సిరీస్‌లు రెడీ

ఈ వారం ఓటీటీ ప్రేక్షకులకు వినోదాల పండుగగా మారనుంది. జూలై 20 నుంచి 26 వరకు నెట్‌ఫ్లిక్స్, జియోహాట్‌స్టార్, అమెజాన్ ప్రైమ్ వీడియో, సోనీలివ్, జీ5, ఆపిల్ టీవీ ప్లస్, సన్ నెక్స్ట్ వంటి ప్రముఖ వేదికల్లో కొత్త సినిమాలు, వెబ్‌సిరీస్‌లు వరుసగా స్ట్రీమింగ్ కానున్నాయి. నెట్‌ఫ్లిక్స్‌లో ముసాఫిర్ కేఫ్, ది ట్రూతర్స్, 72 అవర్స్, ఏ టాక్సిక్ లవ్ స్టోరీ, ఎలైట్ ఫోర్స్, రాన్సమ్ క్యానియన్ సీజన్ 2 వంటి కంటెంట్ రానుండగా, జియోహాట్‌స్టార్‌లో స్టువర్ట్ ఫెయిల్స్ టు సేవ్ ది యూనివర్స్, బ్లీచ్ ఫైనల్ సీజన్ ప్రేక్షకులను అలరించనున్నాయి.

థియేటర్లలో కూడా ఈ వారం ఆసక్తికరమైన సినిమాలు విడుదల కానున్నాయి. తమిళనాడు ముఖ్యమంత్రి విజయ్ నటించిన చివరి చిత్రం జన నాయకుడు, కిరణ్ అబ్బవరం నటించిన చెన్నై లవ్ స్టోరీతో పాటు ది ఇండియా స్టోరీ, హే చికితా, చంద్రప్పన్, కాగితం పడవలు వంటి చిత్రాలు ప్రేక్షకుల ముందుకు రానున్నాయి. యాక్షన్, రొమాన్స్, కామెడీ, థ్రిల్లర్, డాక్యుమెంటరీ, యానిమే వంటి విభిన్న జానర్లలో కొత్త కంటెంట్ అందుబాటులోకి రావడంతో ఈ వారం ప్రేక్షకులకు పూర్తి స్థాయి వినోదం లభించనుంది.