రోజుకు ఆరు గంటలే నిద్ర.. తమన్నా షాకింగ్ వ్యాఖ్యలు

నటి తమన్నా భాటియా తన కెరీర్‌లో ఎదురైన తీవ్రమైన పని ఒత్తిడి గురించి తాజాగా ఆసక్తికర విషయాలు పంచుకున్నారు. ఒక ప్రాజెక్ట్ పాట షూటింగ్ పూర్తి చేసిన వెంటనే మరో ప్రాజెక్ట్ సెట్స్‌కు వెళ్లేదాన్నని, ఆ సమయంలో రోజుకు కేవలం ఆరు గంటలే నిద్రపోయేదాన్నని తెలిపారు. బిజీ షెడ్యూల్ కారణంగా డ్యాన్స్ రిహార్సల్స్‌కు కూడా సమయం దొరికేది కాదని వెల్లడించారు.

ఇండస్ట్రీలో నటనకు, డ్యాన్స్‌కు వేర్వేరు గుర్తింపు ఇవ్వడం సరైన విధానం కాదని తమన్నా అభిప్రాయపడ్డారు. గతంలో ఎంతోమంది నటీనటులు రెండింటిలోనూ ప్రతిభ చూపించారని గుర్తుచేశారు. తాత్కాలిక విజయాల కంటే చిరకాలం గుర్తుండిపోయే పాత్రలే తన లక్ష్యమని పేర్కొన్న ఆమె, కెరీర్ ప్రారంభంలో నేర్చుకున్న అనుభవాలే ఇప్పుడు అన్ని భాషల్లో అవకాశాలు అందుకునేలా తనకు బలంగా నిలిచాయని చెప్పారు.