సందీప్ కిషన్ ‘ఎస్‌కే33’ ఫస్ట్ లుక్ రిలీజ్ డేట్ ఖరారు

సందీప్ కిషన్ హీరోగా యుగంధర్ ముని దర్శకత్వంలో తెరకెక్కుతున్న ఫాంటసీ అడ్వెంచర్ చిత్రం ‘ఎస్‌కే33’ ఫస్ట్ లుక్ విడుదలకు ముహూర్తం ఖరారైంది. "The Transformation Begins" అనే ట్యాగ్‌లైన్‌తో విడుదల చేసిన కొత్త పోస్టర్‌లో ఆగస్టు 5 ఉదయం 11:04 గంటలకు ఫస్ట్ లుక్‌ను విడుదల చేయనున్నట్లు చిత్రబృందం ప్రకటించింది. పోస్టర్‌లో రాజసంగా అలంకరించిన యోధుడి విగ్రహం ఎదుట నిలబడి ఉన్న సందీప్ కిషన్ లుక్ సినిమాలో ఆయన పాత్రలో భారీ మార్పును సూచిస్తున్నట్లు కనిపిస్తోంది.

మహిధర్ రెడ్డి, రాజశేఖర్ అన్నాభిమోజు నిర్మిస్తున్న ఈ చిత్రం ఫోక్ ఫాంటసీ అడ్వెంచర్ నేపథ్యంలో రూపొందుతోంది. ఇప్పటికే పోస్టర్ సోషల్ మీడియాలో వైరల్ అవుతుండగా, సందీప్ కిషన్‌ను ఈ సినిమాలో ఏ రూపంలో చూపించబోతున్నారనే ఆసక్తి అభిమానుల్లో పెరుగుతోంది. ఫస్ట్ లుక్ విడుదలతో సినిమాపై మరిన్ని వివరాలు వెల్లడయ్యే అవకాశముంది.