రజినీకాంత్ తదుపరి చిత్రంలో శ్రీలీలకు ఛాన్స్?

తెలుగులో ప్రస్తుతం తక్కువ సినిమాలు చేస్తున్నప్పటికీ, శ్రీలీలకు తమిళ చిత్రసీమలో వరుస అవకాశాలు వస్తున్నాయి. తన అందం, డ్యాన్స్, స్క్రీన్ ప్రెజెన్స్‌తో ప్రత్యేక గుర్తింపు తెచ్చుకున్న ఈ నటి ఇప్పటికే ధనుష్ సరసన ఓ చిత్రంలో నటిస్తోంది. తాజాగా సూపర్ స్టార్ రజినీకాంత్ తదుపరి సినిమాలో కూడా ఆమెకు కీలక పాత్ర దక్కే అవకాశముందని కోలీవుడ్ వర్గాల్లో జోరుగా ప్రచారం జరుగుతోంది.

ఈ సినిమా ఇంకా స్క్రిప్ట్ దశలో ఉన్నప్పటికీ, శ్రీలీలతో ఇప్పటికే చర్చలు జరిపినట్లు సమాచారం. అయితే సినిమా పేరు, దర్శకుడు వంటి వివరాలపై ఇప్పటివరకు ఎలాంటి అధికారిక ప్రకటన వెలువడలేదు. అయినప్పటికీ ఈ వార్త అభిమానుల్లో ఆసక్తిని పెంచగా, రజినీకాంత్‌తో శ్రీలీల నటిస్తుందనే ప్రచారం సోషల్ మీడియాలో వైరల్‌గా మారింది.