రవితేజ ‘ఇరుముడి’ నుంచి రెండో పాటకు విడుదల తేదీ ఫిక్స్

మాస్ మహారాజా రవితేజ హీరోగా, ప్రియా భవానీ శంకర్ కథానాయికగా నటిస్తున్న ‘ఇరుముడి’ చిత్రానికి శివ నిర్వాణ దర్శకత్వం వహిస్తున్నారు. మైత్రీ మూవీ మేకర్స్ నిర్మిస్తున్న ఈ ఫ్యామిలీ అండ్ ఎమోషనల్ ఎంటర్‌టైనర్‌లో సాయి కుమార్, బేబీ నక్షత్ర కీలక పాత్రల్లో కనిపించనున్నారు. అయ్యప్ప దీక్ష నేపథ్యంలో తండ్రీ–కూతుళ్ల అనుబంధాన్ని హృదయానికి హత్తుకునేలా ఈ చిత్రం ఆవిష్కరించనున్నట్లు సమాచారం.

సినిమా ప్రమోషన్స్‌లో భాగంగా మేకర్స్ రెండో పాట ‘ఎలాలోయాలలో మనసుతన్నల’ను ఆగస్టు 3 ఉదయం 11:07 గంటలకు విడుదల చేయనున్నట్లు ప్రకటించారు. దీనికి సంబంధించిన కలర్‌ఫుల్ పోస్టర్‌ను కూడా విడుదల చేశారు. పోస్టర్‌లో రవితేజ తన భార్య, కుమార్తెతో కలిసి అరటి పండ్ల బండిపై ప్రయాణిస్తూ కనిపించడం కుటుంబ అనుబంధాన్ని అందంగా ప్రతిబింబిస్తోంది. ఆగస్టు 21న విడుదల కానున్న ఈ సినిమాపై ప్రేక్షకుల్లో ఆసక్తి మరింత పెరిగింది.