‘ఇరుముడి’ ట్రైలర్‌కు అదిరిపోయే రెస్పాన్స్.. ఆగస్టు 21న గ్రాండ్ రిలీజ్

మాస్ మహారాజ రవితేజ హీరోగా, ప్రియ భవాని శంకర్ హీరోయిన్‌గా శివ నిర్వాణ దర్శకత్వంలో తెరకెక్కిన అవైటెడ్ చిత్రం ‘ఇరుముడి’. ఈ సినిమా అనౌన్స్‌మెంట్ నుంచే ప్రేక్షకుల్లో మంచి పాజిటివ్ బజ్‌ను సొంతం చేసుకుంది. సినిమా విషయంలో అంచనాలు తగ్గకుండా మేకర్స్ జాగ్రత్తగా ప్రమోషన్స్ కొనసాగిస్తూ వచ్చారు.

తాజాగా విడుదలైన ట్రైలర్‌తో సినిమాపై అంచనాలు మరింత పెరిగాయి. ఆకట్టుకునే విజువల్స్, ఆసక్తికరమైన కంటెంట్‌తో రూపొందించిన ట్రైలర్‌కు ప్రేక్షకుల నుంచి పాజిటివ్ రెస్పాన్స్ వస్తోంది. ట్రైలర్ సినిమాపై మరింత క్యూరియాసిటీని పెంచడంతో.. ఫుల్ సినిమా ఎలా ఉండబోతుందనే ఆసక్తి నెలకొంది. ముఖ్యంగా రవితేజ నటన, శివ నిర్వాణ టేకింగ్ ఎలా ఉండబోతుందో చూడాలని అభిమానులు ఎదురుచూస్తున్నారు.

‘ఇరుముడి’ చిత్రానికి జీవీ ప్రకాష్ కుమార్ సంగీతం అందిస్తున్నారు. మైత్రి మూవీ మేకర్స్ ఈ సినిమాను నిర్మిస్తోంది. తెలుగు, తమిళ భాషల్లో రూపొందుతున్న ఈ చిత్రం ఆగస్టు 21న థియేటర్లలో విడుదల కానుంది. ట్రైలర్‌కు వచ్చిన పాజిటివ్ స్పందనతో సినిమా విడుదలపై మరింత ఆసక్తి ఏర్పడింది. పూర్తి సినిమా ప్రేక్షకుల అంచనాలను ఎంతవరకు అందుకుంటుందో తెలియాలంటే ఆగస్టు 21 వరకు వేచి చూడాల్సిందే.