డబ్బింగ్ దశలోకి అడుగుపెట్టిన రవితేజ ఇరుముడి

మాస్ మహారాజా రవితేజ నటిస్తున్న ఇరుముడి చిత్రం శరవేగంగా పూర్తికావస్తోంది. దర్శకుడు శివ నిర్వాణ రూపొందిస్తున్న ఈ భావోద్వేగ కుటుంబ కథా చిత్రంలో రవితేజ తొలిసారిగా తండ్రి పాత్రలో కనిపించనున్నారు. ప్రియా భవానీ శంకర్ కథానాయికగా నటిస్తుండగా, బేబీ నక్షత్ర ఆయన కుమార్తె పాత్రలో నటిస్తోంది. ఇప్పటికే విడుదలైన గ్లింప్స్, అయ్యప్ప పడి పూజ పాట సినిమాపై మంచి అంచనాలను సృష్టించాయి.

ప్రస్తుతం ఈ చిత్రం డబ్బింగ్ కార్యక్రమాలు ప్రారంభమయ్యాయి. రవితేజతో పాటు బేబీ నక్షత్ర కూడా తమ పాత్రలకు స్వయంగా డబ్బింగ్ చెబుతుండగా, దర్శకుడు శివ నిర్వాణ మొత్తం ప్రక్రియను పర్యవేక్షిస్తున్నారు. మరో మూడు రోజుల షూటింగ్ మాత్రమే మిగిలి ఉండటంతో ఆగస్ట్ 21 విడుదల లక్ష్యంగా పోస్ట్ ప్రొడక్షన్ పనులను వేగవంతం చేశారు. సంగీత దర్శకుడు జి.వి. ప్రకాష్ కుమార్ రీ-రికార్డింగ్ ప్రారంభించగా, త్వరలోనే రెండో పాటను విడుదల చేయడానికి చిత్రబృందం సిద్ధమవుతోంది.