రాకా షూటింగ్ ఆలస్యం.. AA23 రూమర్లకు ఫుల్ స్టాప్

అట్లీ దర్శకత్వంలో అల్లు అర్జున్ నటిస్తున్న రాకా చిత్రం షూటింగ్ ఇంకా కొనసాగుతోంది. మూడు నెలలకు పైగా చిత్రీకరణ మిగిలి ఉండటంతో పాటు పోస్ట్ ప్రొడక్షన్ పనులకు కూడా సమయం అవసరమవుతుండటంతో విడుదల తేదీని ప్రకటించడంలో చిత్రబృందం ఎలాంటి తొందరపడడం లేదు. దీపికా పదుకొణె సన్నివేశాలను ముందుగా పూర్తి చేస్తున్నట్లు తెలుస్తుండగా, ఈ చిత్రంలో షారుఖ్ ఖాన్ క్యామియో చేస్తున్నారన్న ప్రచారంలో నిజం లేదని సమాచారం.

ఇక లోకేష్ కనగరాజ్ దర్శకత్వంలో అల్లు అర్జున్ చేయనున్న AA23 ప్రాజెక్ట్‌పై వస్తున్న పలు రూమర్లకూ తెరపడింది. షాహిద్ కపూర్ ఈ సినిమాలో నటిస్తున్నారన్న వార్తలు, పూజా హెగ్డే హీరోయిన్‌గా ఎంపికయ్యారన్న ప్రచారం రెండూ నిజం కాదని తెలుస్తోంది. ప్రస్తుతం డీసీ ప్రమోషన్లలో బిజీగా ఉన్న లోకేష్, వచ్చే నెల నుంచి AA23 పనులను పూర్తి స్థాయిలో ప్రారంభించనున్నట్లు సినీ వర్గాలు చెబుతున్నాయి.