ఎస్సారెస్పీపై మంత్రుల సమీక్ష.. పునరుద్ధరణకు కార్యాచరణ

నిజామాబాద్‌లోని శ్రీరాంసాగర్ ప్రాజెక్టును తెలంగాణ మంత్రులు ఉత్తమ్ కుమార్ రెడ్డి, శ్రీధర్ బాబు అధికారులతో కలిసి సందర్శించి నీటిమట్టం, వరద ప్రవాహం, ప్రాజెక్టు పరిస్థితులను సమీక్షించారు. ఎస్సారెస్పీ పూడికతీత కోసం సమగ్ర కార్యాచరణ సిద్ధం చేస్తున్నామని, ప్రస్తుత పరిస్థితులను పరిశీలించిన అనంతరం నీటి విడుదలపై రెండు రోజుల్లో స్పష్టమైన నిర్ణయం ప్రకటిస్తామని తెలిపారు.

ఈ సందర్భంగా ఉత్తమ్ కుమార్ రెడ్డి ఎస్సారెస్పీ తెలంగాణ గర్వకారణమని పేర్కొన్నారు. మేడిగడ్డ, అన్నారం, సుందిళ్ల బ్యారేజీల విషయంలో బీఆర్‌ఎస్ తప్పుడు ప్రచారం చేస్తోందని ఆరోపిస్తూ, మూడు బ్యారేజీల పునరుద్ధరణకు ప్రభుత్వం కట్టుబడి ఉందన్నారు. ఎల్లంపల్లి ప్రాజెక్టు కాంగ్రెస్ ప్రభుత్వ హయాంలో నిర్మించబడిందని గుర్తు చేస్తూ, కాంగ్రెస్ నిర్మించిన ఆనకట్టలు దశాబ్దాలుగా నిలకడగా ఉన్నాయని, బీఆర్‌ఎస్ నిర్మించిన కొన్ని ప్రాజెక్టులు దెబ్బతిన్నాయని వ్యాఖ్యానించారు.