'ఇంద్రప్రస్థ'తో కిరణ్ అబ్బవరం కొత్త ప్రయాణం?

'క', 'కె ర్యాంప్', 'చెన్నై లవ్ స్టోరీ' చిత్రాల విజయాల తర్వాత కిరణ్ అబ్బవరం మరో కొత్త ప్రాజెక్ట్‌తో ప్రేక్షకుల ముందుకు రానున్నట్లు సినీ వర్గాల్లో ప్రచారం జరుగుతోంది. 'కాంతార' ఫ్రాంచైజీలో అసిస్టెంట్ దర్శకుడిగా పనిచేసిన శ్రీకాంత్ పుప్పాల ఈ చిత్రంతో దర్శకుడిగా పరిచయం కానున్నారని సమాచారం. ఈ సినిమాకు 'ఇంద్రప్రస్థ' అనే శక్తివంతమైన టైటిల్‌ను పరిశీలిస్తున్నట్లు తెలుస్తోంది.

ఈ నెలలోనే పూజా కార్యక్రమాలతో చిత్రాన్ని అధికారికంగా ప్రారంభించే అవకాశముండగా, త్వరలోనే మేకర్స్ అధికారిక ప్రకటన విడుదల చేయనున్నట్లు సమాచారం. వరుస విజయాలతో మంచి ఫామ్‌లో ఉన్న కిరణ్ అబ్బవరం, 'కాంతార' టీమ్‌తో పనిచేసిన అనుభవం ఉన్న శ్రీకాంత్ పుప్పాల కాంబినేషన్‌పై ఇప్పటికే సినీ అభిమానుల్లో ఆసక్తి నెలకొంది. ప్రస్తుతం ఈ ప్రాజెక్ట్‌కు సంబంధించిన వార్తలు సోషల్ మీడియాలో విస్తృతంగా చర్చనీయాంశంగా మారాయి.