41 గంటలు నిద్ర లేకుండా పని.. దాన్ని ఆశీర్వాదంగా భావించిన కీర్తి సురేష్

జాతీయ అవార్డు గ్రహీత కీర్తి సురేష్ తన అంకితభావంతో మరోసారి వార్తల్లో నిలిచారు. వరుస షూటింగ్‌ల కారణంగా 41 గంటల పాటు నిద్రపోకుండా ఒక లొకేషన్ నుంచి మరో లొకేషన్‌కు ప్రయాణిస్తూ పనిచేశానని ఆమె ఇన్‌స్టాగ్రామ్ ద్వారా వెల్లడించారు. ఇంత బిజీ షెడ్యూల్ ఉన్నప్పటికీ ఈ అవకాశాలను తాను దేవుడి ఇచ్చిన ఆశీర్వాదంగా భావిస్తున్నానని పేర్కొన్నారు.

ఒకే రోజులో దాదాపు 20 గంటలు పని చేశానని, వరుస షూటింగ్‌ల వల్ల సోషల్ మీడియాలో కూడా యాక్టివ్‌గా ఉండలేకపోయానని కీర్తి వివరించారు. అలసట మధ్య కూడా మిర్రర్ సెల్ఫీ తీసుకుని అభిమానులతో పంచుకున్న ఆమె, "I Will Survive" అని రాసి ఉన్న టీ-షర్ట్ ధరించి మరో షూటింగ్‌కు బయలుదేరిన ఫొటోను కూడా షేర్ చేశారు. ఆమె కష్టపడే తత్వం, సానుకూల దృక్పథంపై అభిమానులు ప్రశంసలు కురిపిస్తున్నారు.