తొలి సినిమాకు లభించిన ఆదరణపై జయకృష్ణ ఆనందం

ఘట్టమనేని జయకృష్ణ హీరోగా పరిచయమైన శ్రీనివాస మంగాపురం చిత్రానికి తెలుగు ప్రేక్షకులు, ఘట్టమనేని అభిమానుల నుంచి లభించిన ఆదరణపై ఆయన హృదయపూర్వక కృతజ్ఞతలు తెలిపారు. మంచి అంచనాల మధ్య విడుదలైన ఈ చిత్రానికి అభిమానులు అందించిన స్పందన ఎంతో ఆనందాన్ని ఇచ్చిందని, ముఖ్యంగా యాక్షన్, భావోద్వేగ సన్నివేశాల్లో తన నటనను ప్రశంసించడం తనకు మరింత ఆత్మవిశ్వాసాన్ని ఇచ్చిందని పేర్కొన్నారు.

సినిమా విడుదల అనంతరం విడుదల చేసిన వీడియో సందేశంలో మొదటి నుంచి తనకు అండగా నిలిచిన ప్రతి ఒక్కరికీ జయకృష్ణ ధన్యవాదాలు తెలిపారు. ప్రేక్షకుల ప్రేమ తనను మరింత కష్టపడేలా ప్రేరేపిస్తోందని, ఇంకా సినిమా చూడని వారు ఈ వారాంతంలో తప్పకుండా థియేటర్లలో వీక్షించాలని కోరారు. ఈ చిత్రానికి జీవీ ప్రకాష్ కుమార్ సంగీతం అందించగా, పి. కిరణ్ నిర్మించారు. వైజయంతి మూవీస్ సమర్పణలో ఈ సినిమా ప్రేక్షకుల ముందుకు వచ్చింది.