జన నాయకుడు ఓటీటీ రిలీజ్ డేట్‌పై ఆసక్తికర ప్రచారం

రాజకీయాల్లోకి ప్రవేశించే ముందు దళపతి విజయ్ నటించిన చివరి చిత్రంగా రూపొందిన జన నాయకుడు త్వరలోనే ఓటీటీలో ప్రేక్షకులను అలరించనున్నట్లు ప్రచారం జరుగుతోంది. సెన్సార్ సమస్యల కారణంగా సంక్రాంతి విడుదల వాయిదా పడిన ఈ చిత్రం, విజయ్ ముఖ్యమంత్రిగా బాధ్యతలు స్వీకరించిన తర్వాత జూలైలో థియేటర్లలో విడుదలైంది. ప్రేక్షకుల నుంచి మిశ్రమ స్పందన వచ్చినప్పటికీ విజయ్ క్రేజ్‌తో బాక్సాఫీస్ వద్ద మంచి వసూళ్లు సాధించింది.

తాజా సమాచారం ప్రకారం ఈ సినిమా డిజిటల్ హక్కులను జీ5 సొంతం చేసుకోగా, ఆగస్టు 21 నుంచి తమిళంతో పాటు తెలుగు, హిందీ, కన్నడ, మలయాళ భాషల్లో స్ట్రీమింగ్ కానుందని టాక్ వినిపిస్తోంది. అయితే దీనిపై మేకర్స్ నుంచి అధికారిక ప్రకటన ఇంకా వెలువడలేదు. హెచ్. వినోద్ దర్శకత్వంలో తెరకెక్కిన ఈ చిత్రంలో పూజా హెగ్డే, మమితా బైజు, బాబీ డియోల్, గౌతమ్ వాసుదేవ్ మేనన్, ప్రియమణి, రేవతి, సునీల్, నాజర్ కీలక పాత్రలు పోషించగా, అనిరుధ్ రవిచందర్ సంగీతం అందించారు.