ఎన్టీఆర్ గాయం మధ్యే 'డ్రాగన్' షూటింగ్ జోరు

భుజానికి గాయం కావడంతో జూనియర్ ఎన్టీఆర్ ప్రస్తుతం వైద్యుల పర్యవేక్షణలో చికిత్స పొందుతూ విశ్రాంతి తీసుకుంటున్నట్లు సినీ వర్గాలు వెల్లడిస్తున్నాయి. పూర్తిగా కోలుకునేందుకు ఆయన మరో రెండు వారాల పాటు షూటింగ్‌కు దూరంగా ఉండే అవకాశముందని సమాచారం. అయితే ఈ విరామం వల్ల సినిమా షెడ్యూల్‌కు ఆటంకం కలగకుండా 'డ్రాగన్' చిత్రబృందం ఎన్టీఆర్ లేని సన్నివేశాలను చిత్రీకరిస్తూ పనులను కొనసాగిస్తోంది.

ఎన్టీఆర్ తిరిగి సెట్స్‌లోకి వచ్చిన వెంటనే ఆయనకు సంబంధించిన కీలక సన్నివేశాల చిత్రీకరణ ప్రారంభించేందుకు మేకర్స్ ప్రణాళిక సిద్ధం చేశారు. ఇటీవల బాలకృష్ణ, రష్మిక మందన్నాతో పాటు ఎన్టీఆర్ కూడా షూటింగ్ సమయంలో గాయపడటం సినీ పరిశ్రమలో యాక్షన్ సన్నివేశాల సమయంలో తీసుకోవాల్సిన జాగ్రత్తలపై మరోసారి చర్చకు దారితీసింది.