సీజేపీ అధ్యక్షుడి అరెస్ట్ వార్తలను ఖండించిన ఢిల్లీ పోలీసులు

జాతీయ రాజధానిలో జరుగుతున్న నిరసనల నేపథ్యంలో కాక్రోజ్ జనతా పార్టీ (సీజేపీ) అధ్యక్షుడు అభిజిత్ దీప్కేను పోలీసులు అరెస్ట్ చేశారంటూ సోషల్ మీడియాలో ప్రచారం జరిగింది. అయితే ఈ వార్తలను ఢిల్లీ పోలీసులు ఖండిస్తూ, అభిజిత్ జంతర్ మంతర్ ధర్నా ప్రాంగణంలోనే ఉన్నారని, ఆయనను అదుపులోకి తీసుకోవడం గానీ, అరెస్ట్ చేయడం గానీ జరగలేదని స్పష్టం చేశారు. సోషల్ మీడియాలో వస్తున్న తప్పుడు ప్రచారాలను నమ్మవద్దని ప్రజలకు సూచించారు.

ఈ వ్యవహారంపై సీజేపీ కూడా అధికారికంగా స్పందించి తమ అధ్యక్షుడిని అరెస్ట్ చేయలేదని వెల్లడించింది. సోషల్ మీడియాలో వైరల్ అయిన పుకార్ల నేపథ్యంలో పోలీసులు, పార్టీ వర్గాలు వెంటనే వివరణ ఇవ్వాల్సిన పరిస్థితి ఏర్పడింది. ధృవీకరించని సమాచారాన్ని షేర్ చేయకుండా, అధికారిక సమాచారం ఆధారంగానే స్పందించాలని అధికారులు ప్రజలను కోరారు.