చెన్నై లవ్ స్టోరీపై పెరిగిన అంచనాలు.. కారణం ఇదే!

కిరణ్ అబ్బవరం హీరోగా రవి నంబూరి దర్శకత్వంలో రూపొందిన చెన్నై లవ్ స్టోరీ ఈ శుక్రవారం ప్రేక్షకుల ముందుకు రానుంది. శ్రీ గౌరి ప్రియ కథానాయికగా నటించిన ఈ రొమాంటిక్ డ్రామాకు మణిశర్మ సంగీతం అందించారు. ఇప్పటికే విడుదలైన ప్రచార కంటెంట్‌తో సినిమాపై మంచి ఆసక్తి నెలకొనగా, విడుదలకు ముందు సెన్సార్ ప్రక్రియను కూడా విజయవంతంగా పూర్తి చేసుకుంది.

సెన్సార్ బోర్డు ఈ చిత్రానికి ఒక్క కట్ కూడా సూచించకుండా U/A సర్టిఫికేట్ జారీ చేసింది. సినిమా నిడివి 179 నిమిషాలు, అంటే దాదాపు మూడు గంటలుగా ఖరారైంది. ప్రేమకథా చిత్రాలకు ఇది కాస్త ఎక్కువ నిడివి అయినప్పటికీ, కథనం ఆకట్టుకుంటే ప్రేక్షకులు ఆదరిస్తారనే నమ్మకంతో చిత్రబృందం ఉంది. గతంలో బేబి చిత్రం కూడా సుదీర్ఘ నిడివితో విజయాన్ని అందుకున్న నేపథ్యంలో, చెన్నై లవ్ స్టోరీ కూడా అదే స్థాయిలో ప్రేక్షకాదరణ పొందుతుందనే ఆశాభావాన్ని మేకర్స్ వ్యక్తం చేస్తున్నారు.