అస్సాంలో వరదలు ఉద్ధృతం.. మృతుల సంఖ్య 89కు చేరింది

అస్సాంలో రాత్రంతా కురిసిన భారీ వర్షాలతో వరద పరిస్థితి మరింత దిగజారింది. ఐదు జిల్లాల్లో 1.22 లక్షలకు పైగా ప్రజలు వరద ప్రభావానికి గురికాగా, ఈ ఏడాది వరదలతో మృతుల సంఖ్య 89కు చేరింది. అస్సాం రాష్ట్ర విపత్తు నిర్వహణ సంస్థ (ASDMA) ప్రకారం గోలాఘాట్ జిల్లాలోని నుమాలీగఢ్ వద్ద ధన్‌సిరి నది ప్రమాదకర స్థాయిలో ప్రవహిస్తోంది. దీంతో ప్రజలు నది సమీపానికి వెళ్లవద్దని అధికారులు హెచ్చరించారు. శివసాగర్, చరైడియో, జోర్హాట్ జిల్లాలు అత్యధికంగా ప్రభావితమయ్యాయి.

ప్రభుత్వ యంత్రాంగం సహాయక చర్యలను ముమ్మరం చేసింది. వైద్య, పశువైద్య బృందాలతో పాటు ఇతర అత్యవసర సిబ్బంది వరద ప్రాంతాల్లో సేవలు అందిస్తున్నారు. ప్రస్తుతం 55 సహాయ శిబిరాలు, పంపిణీ కేంద్రాలు నిర్వహిస్తుండగా, దాదాపు 17,900 మంది నిర్వాసితులు అక్కడ ఆశ్రయం పొందుతున్నారు. 15,300 హెక్టార్లకు పైగా వ్యవసాయ భూమి నీటమునిగింది. 26,500కు పైగా పశువులు ప్రభావితమయ్యాయి. రహదారులు, ఇళ్లులు, పాఠశాలలు, కట్టడాలు కూడా తీవ్రంగా దెబ్బతిన్నాయి. పరిస్థితిని సమీక్షించేందుకు కేంద్ర ఆరోగ్య మంత్రి జేపీ నడ్డా రాష్ట్రాన్ని సందర్శించనున్నారు.