వ్యక్తిగత జీవితంపై పుకార్లకు అనుపమ స్ట్రాంగ్ కౌంటర్

ఇటీవల తన సోషల్ మీడియా పోస్టులపై వస్తున్న పుకార్లకు హీరోయిన్ అనుపమ పరమేశ్వరన్ తాజాగా స్పందించారు. ఓ ఇంటర్వ్యూలో మాట్లాడుతూ, తన అధికారిక ఇన్‌స్టాగ్రామ్ ఖాతాలో ఏమి పోస్ట్ చేయాలనేది పూర్తిగా తన వ్యక్తిగత నిర్ణయమని స్పష్టం చేశారు. తాను చేసిన పోస్టులు ఒక మహిళ జీవితంలో జరిగే మార్పుల గురించి మాత్రమేనని, వాటిని వ్యక్తిగత బాధగా లేదా సానుభూతి కోసం చేసినవిగా భావించడం సరికాదని చెప్పారు.

తన వ్యక్తిగత జీవితం గురించి నిజాలు తెలియకుండా ఊహాగానాలు చేయడం సరికాదని విమర్శకులను అనుపమ ప్రశ్నించారు. సమాజంలో చర్చించాల్సిన అంశాలను ధైర్యంగా పంచుకోవడంలో తాను గర్వపడుతున్నానని పేర్కొన్నారు. ప్రస్తుతం దర్శకుడు బద్రప్ప తెరకెక్కిస్తున్న క్రేజీ కళ్యాణం చిత్రంలో తరుణ్ భాస్కర్, వీకే నరేష్, అఖిల్ ఉడ్డెమారి తదితరులతో కలిసి నటిస్తూ, వైవిధ్యమైన కథలను ఎంపిక చేసుకుంటూ కెరీర్‌ను కొనసాగిస్తున్నారు.