ఇథనాల్ ఇంధన విధానంపై నటుడు నరేష్ తీవ్ర విమర్శలు

ఇథనాల్ మిశ్రమ పెట్రోల్ వినియోగంపై నటుడు నరేష్ తీవ్ర అసంతృప్తి వ్యక్తం చేశారు. తన కొత్త పోర్షే పనమెరా కారుకు ఇథనాల్ పెట్రోల్ కారణంగా దాదాపు రూ.12 లక్షల మేర నష్టం జరిగిందని ఆయన తెలిపారు. దీంతో తప్పనిసరి పరిస్థితుల్లో లీటరుకు రూ.165 ధర ఉన్న 100 ఆక్టేన్ ప్రీమియం పెట్రోల్‌ను వినియోగిస్తున్నట్లు వెల్లడించారు.

ఇథనాల్ ఇంధన విధానం అన్ని వర్గాల వాహనదారులకూ ఇబ్బందులు కలిగించే అవకాశముందని నరేష్ అభిప్రాయపడ్డారు. ఇది బీజేపీ ప్రభుత్వానికి ఒక హెచ్చరిక సంకేతంలా మారుతుందని వ్యాఖ్యానిస్తూ, ధనవంతులే ఖరీదైన ఇంధనానికి మారాల్సి వస్తే, సామాన్య ప్రజల పరిస్థితి ఎలా ఉంటుందో ప్రభుత్వం ఆలోచించాలని ప్రశ్నించారు.