అత్యాధునిక గ్రోక్ వాయిస్ థింక్ ఫాస్ట్ 2.0ను విడుదల చేసిన స్పేస్‌ఎక్స్‌ఏఐ

స్పేస్‌ఎక్స్‌ఏఐ తన కొత్త AI వాయిస్ మోడల్ గ్రోక్ వాయిస్ థింక్ ఫాస్ట్ 2.0ను అధికారికంగా విడుదల చేసింది. ఈ ఏడాది ఏప్రిల్‌లో వచ్చిన గ్రోక్ వాయిస్ థింక్ ఫాస్ట్ 1.0కు ఇది అప్‌గ్రేడ్ వెర్షన్. స్పీచ్ రీజనింగ్, ట్రాన్స్‌క్రిప్షన్ ఖచ్చితత్వం, సంభాషణ సామర్థ్యం, టూల్ వినియోగ విశ్వసనీయతలో గణనీయమైన మెరుగుదలలు తీసుకువచ్చామని సంస్థ వెల్లడించింది. ఆగస్టు 5 నుంచి ప్రస్తుత వినియోగదారులను ఆటోమేటిక్‌గా కొత్త మోడల్‌కు మార్చనున్నారు. అయితే పాత వెర్షన్‌ను ఉపయోగించాలనుకునేవారికి దానిని పిన్ చేసుకునే అవకాశం ఉంది. ఈ సేవకు నిమిషానికి 0.08 డాలర్ల ధర నిర్ణయించారు.

ఓపెన్‌ఏఐ GPT-Realtime-2.1, గూగుల్ Gemini 3.1 Flash వంటి ప్రత్యర్థి మోడళ్లతో పోల్చితే గ్రోక్ వాయిస్ థింక్ ఫాస్ట్ 2.0 అనేక బెంచ్‌మార్క్ పరీక్షల్లో మెరుగైన ఫలితాలు సాధించిందని స్పేస్‌ఎక్స్‌ఏఐ పేర్కొంది. స్పీచ్ టు స్పీచ్ క్వాలిటీ, స్పీచ్ రీజనింగ్ వంటి విభాగాల్లో అత్యధిక స్కోర్లు నమోదు చేసిన ఈ మోడల్, ట్రాన్స్‌క్రిప్షన్ ఖచ్చితత్వంలో కూడా Deepgram Nova 3, ElevenLabs Scribe v2 కంటే 1.5 నుంచి 2 రెట్లు మెరుగైన పనితీరును కనబర్చిందని సంస్థ తెలిపింది.